9 أبريل، 2008

انتخابات المخللات

امس كان انتخاب المخللات سألت كذا واحد هتروح علشان تنتخب ردوا عليا انتخابات ايه و ليه و عشان مين يا بيه . في الي كان عارف ان المفروض في انتخابات و في الي ماكنش عارف خالص ولا حتي داريان بالدنيا .الي كان دريان قالي انا مش هروح فرد عليه طيب ليه يا عم فيقولي النتيجة معروفه يا بيه و سواء رحت او ما رحت صوتي مالوش لزمة النتيجة معروفة .واحد تاني قالي تعرف لو الحكومة عندها ضمير ولو بنسبة عشرون بالمائه ما رح ينجح ولا واحد من الحزب الي مسمي نفسه الحزب الوطني وقال ايه كمان ديمقراطي المهم أنا وصديقة ليا صحفية من انجلترا اخدنا جولة امس في عدة لجان بحدائق القبة منطقة سكني ولم نري الا اقبالا ضعيفا وهزيلا من قبل الناحبين عكس ما أذيع علي قنوات التليفزيون المصري و الذي أكد بأنه كان هناك إقبالا من الناحبين .







نجم النجوم الحاج محمد الحسيني عضو مجلس الشعب عن دائرة حدائق القبة (حزب وثني ) كان يتابع سير العمل بتمثيلية الانتخابات المخللية من علي قهوة البلطجية أمام مدرسة النقراشي الإعدادية بشارع مصر و السودان بحدائق القبة .الاستاذ الي جانبه ده اخبرني و في سري بأن قائمة الحزب الوثني ثمانية وعشرون مرشح و النتيجة معروفة مسبقا بأنه سوف يتم فوز ثلاثة وعشرون مرشح


مرشح الحزب الوطني عمال عن دائرة حدائق القبة كابتن سيد مدرب كراتيه !! أخبرني احد أنصاره والمقربين اليه بانه و الله أعلم تم تزوير ستمائة صوت لصالحه قبل الغداء وبعد الغداء بإذن الله سوف يقوموا بتزوير الفا من الاصوات و الله ولي التوفيق .

وهذه مدرسة الدار البيضاء بشارع ترعة الجبل بحدائق القبة لم يدخلها غير خمسة عشرة ناخب من بداية العملية الانتخابية الي نهايتها و عندما سألت ضابط الامن المكلف بتامين العملية الانتحابية عن الناحبين احبرني بان الناحبين علي القهوة .










مدرسة المؤسسة بشارع الدويداربحدائق القبة بجوار منزلي في تمام الساعة الرابعة مساء

وصناديق الإختراع تبدو خالية كما يظهر بالصورة



أيضا هذا صندوق اختراع بمدرسة الدار البيضاء و الصورة تتحدث عن نفسها و الي مش مصدق يمد ايده وياخدله شوية شاي فريسكا




0 التعليقات:

  © Blogger templates Newspaper III by Ourblogtemplates.com 2008

Back to TOP